Water (filme de 2005)

Water
Ficha técnica
Título orixinal	वाटर
Director	Deepa Mehta
Produtor	David Hamilton
Guión	Anurag Kashyap
Intérpretes	Seema Biswas Lisa Ray John Abraham Sarala Kariyawasam Manorama
Música	A. R. Rahman Mychael Danna
Fotografía	Giles Nuttgens
Montaxe	Colin Monie
Estudio	David Hamilton Productions
Distribuidora	Fox Searchlight Pictures (USA) Mongrel Media (Canadá) B.R. Films (India)
Estrea	9 de setembro de 2005
Duración	114 minutos
Orixe	India Canadá
Xénero	Drama
Recadación	$10 422 387
Filme anterior	Earth
Na rede
http://www.foxsearchlight.com/water/

Este artigo amosa letras indias. Sen o soporte axeitado, o texto pode mostrar símbolos sen sentido, coma caixas, marcas e outros.

Water é un filme indo-canadense escrito e dirixido por Deepa Mehta que se estreou no 2005. Está ambientado no ano 1938 e explora as vidas dunhas viúvas nunha ashram de Benarés, na India. O filme é o terceiro e derradeiro título da triloxía dos elementos de Mehta. Foi precedido por Fire (1996) e Earth (1998). Estreouse no Festival Internacional de Cinema de Toronto, e en todo o Canadá en novembro dese ano. Foi estreado na India o 9 de marzo de 2007.^[1]

Está protagonizado por Seema Biswas, Lisa Ray, John Abraham e Sarala Kariyawasam, xunto con Kulbhushan Kharbanda, Waheeda Rehman, Raghuvir Yadav e Vinay Pathak nos papeis secundarios. As cancións principais foron compostas por A. R. Rahman, con letras de Sukhwinder Singh e Raqeeb Alam, mentres que a banda sonora é obra de Mychael Danna. A fotografía é de Giles Nuttgens, que xa traballara nos anteriores filmes de Deepa Mehta.

En 2008, Dilip Mehta dirixiu un documental inspirado polo filme, The Forgotten Woman sobre as viúvas da India. Este documental tamén foi escrito por Deepa Mehta.^[2]

1. ↑ Oscar-nominated film "Water" released in India 7 years after protests shut down filming – International Herald Tribune
2. ↑ Nathan Lee (7 de agosto de 2008). "Stigmatized by Society". The New York Times. Consultado o 11 de febreiro de 2014.